राष्ट्रभरि एकैसाथ जे-अलर्ट सूचना प्रसारण परीक्षण कार्य गरिनेछ

भुकम्प, सुनामी वा सशस्त्र आक्रमण आदि भएको खण्डमा पूर्वतयारीको लागि, राष्ट्रभरि तुरुन्तै चेतावनी जारी गर्ने प्रणाली (जे-अलर्ट) प्रयोग गरी, यहि जुन ३ तारिक (बुध) बिहान ११ बजे एकैसाथ राष्ट्रभरि सूचना प्रसारण परीक्षण कार्य गरिनेछ।
त्यसदिन, नगरको वेबसाइट, नगरको आधिकारिक LINE अकाउन्ट, नगरको संकट व्यवस्थापन बिभाग X (पुरानो ट्विटर) बाट परीक्षण सूचना प्रसारण गर्नुको अतिरिक्त, शहरको पूर्वी भागमा जडान गरिएको माईक द्वारा परीक्षणको अडियो पनि प्रसारण गरिनेछ। कृपया ध्यान दिनुहोस।
सम्पर्क：संकट व्यवस्थापन बिभाग ०२२-२१४-८५१९

उच्च माध्यमिक विद्यालय आदि अध्ययन गर्नको लागि ऋण सहायता प्रणालीको जानकारी

जापान वितिय निगम सार्वजनिक कोष सर्वसाधारणको लागि शैक्षिक ऋण (राष्ट्रिय शैक्षिक ऋण) को उपयोग गरेको व्यक्तिले चलाएको ऋणको ब्याज मध्ये, उच्च माध्यमिक बिधालय आदि पढाई अवधिमा भुक्तान गरिएको ब्याजको अनुदान दिनेछौं।

• आवेदन अवधि = जुलाई १ तारिक (बुध) देखि डिसेम्बर ४ तारिक (शुक्र) 
• लक्षित : सिटि भित्र बसोबास गरेका उच्चमाध्यमिक बिधालय आदिका विद्यार्थीहरूका अभिभावक आदि
• नगर कर भुक्तानी पुरा गरेको जस्ता आदि सर्तहरू छन।

सम्पर्क : शैक्षिक मामिला बिभाग ०२२-२१४-८८६१

तेस्रो बच्चा पछिको बच्चालाई प्राथमिक विद्यालय भर्नाको लागि लाग्ने रकम सहयोग प्रदान गर्नेछौं

• लक्षित = यस आर्थिक वर्षमा प्राथमिक विद्यालयमा प्रवेश गरेका बालबालिका (तेस्रो बच्चा पछिको बच्चा) को अभिभावकहरू, मे १ तारिक सम्म पनि सिटि भित्रमा बसोबास गरेका व्यक्तिहरु
• भुक्तानी गरिने रकम = ३०,००० येन
• आवेदनको लागि अन्तिम म्याद = मे ३१ तारिक (आईत)
• आवेदन दिने तरिका आदिको बिस्तृत विवरणहरूको लागि प्राथमिक विद्यालय मार्फत वितरण गरिएको पर्चामा हेर्नुहोस अथवा शहरको वेबसाइट मा हेर्नुहोस।

सम्पर्क: बालबालिका अनुदान सहयोग बिभाग ०२२-२१४-२१३३

कर सम्बन्धि जानकारी

अर्थिक वर्ष २०२६ को नगर तथा प्रान्तीय कर, कर तिरेको (कर छुट भएको) प्रमाणपत्र (आय प्रमाणपत्र) जारी गर्नेछौं

२०२६ जनवरी १ तारिक तपाईंको हाल बसोबास भएको स्थानको वडाकार्यालय द्वारा जारी गरिनेछ। अर्थिक वर्ष २०२६ को लागि जारी गरिने मिति तलका निम्नानुसार छन।

• आयकर छुट भएका व्यक्ति, तलबबाट नगर तथा प्रान्तीय कर कटौती भएको व्यक्तिहरु
  [जारी हुने स्थान]
  ・काउन्टर ... मे १२ तारिक (मङ्गल) देखि लिन सकिने छ
  ・कम्बिनीयन स्टोर डेलिभरी सेवा ...मे २४ तारिक (आईत) देखि लिन सकिने छ
• कर भुक्तानी रषिद मार्फत कर तिरेको व्यक्तिहरु, पेन्सनबाट नगर तथा प्रान्तीय कर कटौती भएको व्यक्तिहरु
   [जारी हुने स्थान]
  ・काउन्टर, कम्बिनीयन स्टोर डेलिभरी सेवा… जुन १२ तारिक (शुक्र) देखि लिन सकिने छ

सम्पर्क : कर विभाग ०२२-२१४-८६२२, वाडा कार्यालय कर तथा लेखा विभाग, मियागी सामान्य शाखा कार्यालय कर तथा निवास बिभाग, आकियु सामान्य शाखा कार्यालय सामान्य मामिला विभाग

के तपाईंले नगर कर भुक्तानी गर्न बिर्सनुभएको त छैन?

आर्थिकबर्ष २०२५ को नगर कर भुक्तानी गर्न बिर्सनुभएको त छैन? यदि भुक्तानी गर्न गाह्रो छ भने, कृपया सकेसम्म चाँडो सम्पर्क स्थानमा परामर्श गर्नुहोस।
किता कर सङ्कलन बिभाग [आओबा वार्ड] ०२२-२१४-८१५२, [इजुमी वार्ड] ०२२-२१४-५०२७, मिनामी कर सङ्कलन बिभाग [मियागिनो वार्ड, वाकाबायाशी वार्ड] ०२२-२१४-८१५३, [ताइहाकु वार्ड] ०२२-२१४-८१५४

एड्स, सिफिलिस सोही दिन परीक्षण गरिने

• बुकिंग प्रणाली
• आबेदन ＝ परिक्षण गर्ने मिति भन्दा दुईहप्ता अगाडि देखि परिक्षण गरिने अघिल्लो दिनसम्म रातो बिदा बहेकको दिनको दिउँसो १ बजे देखि ४ बजे सम्म बुकिंगको लागिको सम्बन्धित फोन ०९०-४४७८-४६४१ मा फोन गर्न सकिन्छ। सिटीको होमपेजबाट पनि आबेदन फारम भर्न सकिन्छ।

1. परीक्षण कार्यक्रम … जुन १३ तारिक (शनि) बिहान १०:०० बजेदेखि ११:३०, दिउँसो २:०० बजेदेखि ३:३० / आओबा वडा कार्यालय
2. बिदाको दिन परीक्षण … जुन ६ तारिक (शनि) दिउँसो १:३० देखि ३:०० बजे / स्वास्थ्य परामर्श केन्द्र कोसेइकान (आओबा वार्ड मियामाची १-१-५)
3. रातिको समयमा परीक्षण … मे २२ तारिक (शुक्र), जुन १२ तारिक (शुक्र), बेलुका ५:०० बजेदेखि ७:०० बजे / स्वास्थ्य परामर्श केन्द्र, कोसेइकन (आओबा वार्ड मियामाची १-१-५)

परीक्षणको नतिजा भने रगत परिक्ष गरेपछि लगभग १ घण्टा भित्रमा जानकारी दिनेछौं। (यदि नतिजा विचाराधीन  गर्नुपर् भएमा भने भोलिपल्ट मात्र नतिजाको जानकारी गर्नेछौं) पहिले आइपुग्ने व्यक्तिलाई प्राथमिकताको आधारमा, प्रत्येकको लागि परिक्षण क्षमता ३० जनासम्म
सम्पर्क : संक्रामक रोग नियन्त्रण बिभाग ०२२-२१४-८०२९

राष्ट्रिय स्वास्थ्य बीमा भुक्तानी सम्बन्धी समायोजन फारम पठाउनेछौं

परिवार सदश्यको आम्दानी मापदण्ड भन्दा कम भएको खण्डमा, तपाईको राष्ट्रिय स्वास्थ्य बीमा प्रिमियम घटाउन सकिने प्रबधान छ।
यदि तपाईंले २०२५ सालको आफ्नो आयआम्दानी निर्क्यौल गर्न सक्नु भएको छैन र, बिमा रकम घट्न सक्ने सम्भावित  परिवारमा पर्नु भएको छ भने, मे महिनाको मध्यभित्र「राष्ट्रिय स्वास्थ्य बीमा भुक्तानी सम्बन्धी समायोजन फारम」पठाउने भएको हुँदा, मे २७ तारिक (बुध) सम्ममा फारम भरि बुझाउन नबिर्सनुहोला। तपाईंले शहरको वेबसाइट मार्फत अनलाइन बाट पनि फारम भरि पेश गर्न सक्नुहुन्छ।
सम्पर्क：वार्ड कार्यालय, मियागी सामान्य शाखा कार्यालयको बीमा तथा पेन्सन बिभाग, अकिउ सामान्य शाखा कार्यालयको स्वास्थ्य तथा कल्याण बिभाग

अवकाश पाएपछि राष्ट्रिय पेन्सनको लागि आवेदन दिन नबिर्सनुहोला

२० बर्ष देखि ५९ वर्ष सम्मको व्यक्तिहरुले, अवकाश पाएपछि कर्मचारी बिमा अन्तर्गत सामाजिक कल्याण बिमा छाड्नुपर्ने हुन्छ र राष्ट्रिय पेन्सन प्रणालीमा नाम दर्ता गर्नको लागि प्रक्रिया पूरा गर्न आवश्यक पर्छ। आफुमा आश्रित जीवनसाथी वा परिवारको पनि प्रक्रिया पूरा गर्न आवश्यक पर्छ। साथै, कर्मचारी पेन्सनमा दर्ता भएका ६० देखि ६५ बर्षको कर्मचारीको ६० वर्षभन्दा मुनिको श्रीमती वा आश्रित परिवार, आफ्नो पति/पत्नीले अवकाश पाएपछि राष्ट्रिय पेन्सनको लागि आवेदन दिन आवश्यक पर्नेछ। तपाईंले माई नम्बर पोर्टल मार्फत अनलाइन फारमको प्रक्रिया पनि पूरा गर्न सक्नुहुन्छ। बिस्तृत जानकारीको लागि, शहरको वेबसाइटमा हेर्नुहोस।
सम्पर्क：वार्ड कार्यालय, मियागी सामान्य शाखा कार्यालयको बीमा तथा पेन्सन बिभाग, अकिउ सामान्य शाखा कार्यालयको स्वास्थ्य तथा कल्याण बिभाग

नगरपालिकाको सरकारी भवनमा बस्नको लागि आवेदन खुल्ला (एकल अभिभावक, बच्चा हुर्काउदै गरेका, एक भन्दा धेरै बच्चा भएको परिवारहरूको लागि) मे १६ तारिक (शनि) सम्म आवेदन बुझिने

• 「आवास आवेदन खुल्लाको जानकारी」＝मे १ तारिक (शुक्र) देखि नगरपालिकाको कोकुबुन्चो शाखा कार्यालयको दोस्रो तल्लाको सेन्दाई शहर कन्स्ट्रक्सन कर्पोरेशन आबेदन बिभाग, नगरपालिकाको मुख्य सरकारी भवनको दास्रो तल्ला नगरपालिका सूचना केन्द्र, वडा कार्यालयको सामान्य जानकारी, सामान्य शाखा कार्यालय, आओबा वार्ड कार्यालयको नागरिक दर्ता बिभाग सेन्दाई एकिमाए सेवा केन्द्रको (आएर पाँचौं तल्ला), प्रमाणपत्र वितरण केन्द्र, प्रत्येक वार्ड कार्यालयको केन्द्रीय नागरिक केन्द्र, सेन्दाई सिटि समाज कल्याण परिषद् प्रत्येक वडापालिकाको कार्यालयहरू, आजीवन सिकाई विभाग आदिमा वितरण गरिन्छ
• आवेदनको लागी प्रक्रिया : उल्लेखित घरहरुमा एउटा घर छनौट गरि,「आवास आवेदन खुल्लाको जानकारी」मा भएको आवेदन फारम भरि यसलाई खाममा राखी मे १६ तारिक (शनि) सम्ममा हुलाक मार्फत पठाउनुहोस। धेरै आवेदन आएको खण्डमा चिठ्ठाप्रथा मार्फत गरिनेछ।
• घर सर्न मिल्ने दिन ＝ जुलाई २५ तारिक (शनि) (योजना)
• आवेदन दिन मिल्ने व्यक्ति＝तलका निम्न मापदण्डहरु पूरा गरेका व्यक्तिहरु

1. आवेदक आफैले २० वर्ष मुनिको बच्चाको हेरचाह गर्नु हुने एकल-अभिभावकको परिवार, अथवा विद्यालय जान सुरु नगरेका बच्चा भएको परिवार, अथवा १८ वर्षभन्दा मुनिका ३ वा सोभन्दा बढी बच्चाहरू भएको परिवार
2. हाल बस्ने घर नभएर समस्यामा परेका व्यक्तिहरु
3. यस सिटीमा बसोबास वा काम भएकाहरु। साथै, निश्चित मापदण्ड रकम भन्दा कम आयआर्जन हुनुपर्ने सर्तहरु छन। विस्तृत जानकारीको लागि「आवास आवेदन खुल्लाको जानकारी」मा हेर्नुहोला।

आणविक बिपतको कारणले खाली गर्नुपर्ने आदेश प्राप्तभएको छेत्रहरुमा बसोबास गरिरहेका व्यक्तिहरु वा बालबालिका बिपत पीडितहरुको लागि सहयोग ऐनमा आधारित सहयोग लक्षित क्षेत्रहरूमा बसोबास गरिरहेका विस्थापित व्यक्तिहरु, पति वा पत्नी बाट हिंसाको शिकार भएका व्यक्तिहरु, अपराधीबाट पीडित भएका व्यक्तिहरुलाई भने, आवेदनको सर्तहरू फरक फरक हुनेभएकाले कृपया हामीलाई सम्पर्क गर्नुहोस।

• मे २० तारिक (बुध) देखि नियमित रूपमा आवेदन लिन थालिनेछ।
  नगरपालिकाको केही खाली रहेका सरकारी भवनहरुको लागि भने, आवेदन दिने अवधि तोकिएको छैन र वर्षभरि नै खुल्ला राखी पहिले आबेदन भर्नेलाई पहिलो प्रथमिकताको आधारमा आवेदन लिइनेछ। बिस्तृत विवरणहरूको लागि भने, मे १ तारिक (शुक्र) देखि सेन्दाई शहर कन्स्ट्रक्सन कर्पोरेशनको वेबसाइटमा हेर्नुहोस।

सम्पर्क：सेन्दाई सिटी शहर निर्माण तथा सार्वजनिक आवास आबेदन बिभाग ०२२-३९९-७४१३